हाम्रो यो संस्था (लक्ष्मीबृद्धि स्वाबलम्बी महिला बचत तथा ऋण सहकारी संस्था लि.) काठमाण्डौ बुढानिलकण्ठ – ३ मा खासगरी स्थानिय स्तरमा महिला दिदी बहिनीहरुको सशक्तिकरण र आर्थिकरुपले सुदृढिकरण गर्ने उद्धेश्यले २०६२ सालमा महिलाहरुको सानो समुह संगठित भई– मासिक रु.१०० (एक सय) जम्मा गरेर अघि बढ्ने क्रममा मिति २०६७ साल असोज महिनामा जिल्ला सहकारी बिभाग काठमाण्डौमा दर्ता भई संचालनमा आएको हो । यो संस्थाले ११  औं बर्ष पार गरि सक्दा यस अबधिमा सेयर सदस्य दिदी बहिनीहरुको आर्थिक जिवनस्तर उकास्ने काममा अग्रणी भुमिका खेलेको छ । यसका अतिरिक्त सेयर सदस्यहरुमा सामुहिक भावनाको बिकास जगाउने खालको कार्यक्रमहरुलाई निरन्तरता, जेष्ठ नागरिकको सम्मान, मन्दिर सरसफाई अनि बिशेष पुजाहरुमा सहभागिता, स्थानिय युवाक्लबहरुले संचालन गर्ने बिभिन्न सामुदायीक कार्यक्रमहरुमा आर्थिक सहयोग सहितको हातेमालो र अति गरिव परिवारहरुलाई आर्थिक सहयोग गर्दै आईरहेको छ । महिला दिदी बहिनीहरु मात्र कर्मचारी रहेको यस संस्थाले नगरपालिका र राष्ट्रिय सहकारी बैंकद्धारा संचालित बिभिन्न तालिम तथा गोष्ठिहरुबाट थप ज्ञान हांसिल गरी आफुलाई समयानुकुल बनाउंदै र प्रबिधिलाई अबलम्बन गर्दै चुस्त-दुरुस्तरुपमा कार्यालय संचालनमा ल्याएको अबस्था छ । सहकारी संस्थाहरुको छाता संगठन राष्ट्रिय सहकारी बैंक लि. काठमाण्डौ र काठमाण्डौं बचत तथा ऋण सहकारी संस्था लि. (कास्कून) को सेयर सदस्य रहि  सो संस्थाहरुसंग समेत सहकार्य भई आईरहेको छ ।